उन्नत गोरेटो

“यस उन्नत गोरेटो परियोजनामा मैले ५० दिन काम गरेर ५०,००० रुपैया कमाए । त्यो रकम लमजुङ्ग जिल्लामा बसेका मेरो छोराछोरीको पढाई खर्चमा प्रयोग गरेँ”, चिनमाया गुरुङ्ग भन्नुहुन्छ । “हामी सबै जना धेरै खुसी छौँ किनभने हामीले पुरुष सरह नै ज्याला पायौँ । यो भन्दा अगाडी महिला र पुरुषले समान ज्याला पाएका थिएनौँ ।”, उहाँ थप्नुहुन्छ  ।

बिनोद कुमार कार्की भन्नुहुन्छ, “यस परियोजनामा काम गरेर मैले ५०,००० रुपैया प्राप्त गरेँ । त्यस रकमले घर निर्माणमा आवश्यक पर्ने सामग्रीहरु सिमेन्ट, बालुवा तथा रड किने ।” 

"त्यस्तै फुलमाया घले भन्नुहुन्छ, “यस परियोजनामा काम गरेर मैले ५०,००० रुपैया कमाएँ । त्यसबाट ३०,००० रुपैया मैले मेरो ऋण तिरे र बाकीँ रहेको रकमले कस्मेटिक पसल सुरु गरे । यस परियोजनामा काम गर्न पाएकोमा म धेरै नै खुसी छु । आफ्नो मेहनत अनुसार धेरै पैसा पाइयो भने धेरै खुसी लाग्छ।”

“मैले २७ दिन र पछि २० दिन काम गरेर ६५,००० रुपैया प्राप्त गरे । त्यो पैसाले मैले आफ्नो घर निर्माण गर्न शुरु गरे र मेरा बच्चाहरुको शिक्षामा लगानी गरें”, अप्सरा कार्की भन्नुहुन्छ। “जुन व्यक्तिलाई सबैभन्दा बढी आवश्यकता छ उनीहरुले काम गर्ने मौका पाए । हामीले रोजगार पायौ, हाम्रा बच्चाहरुले अध्ययन गर्न पायौ र हामीले खानेकुराहरु किन्न तथा घरहरु बनाउन सक्यौ । मेरो विचारमा यो एकदमै राम्रो कुरा हो” , उहाँ थप्नुहुन्छ। 

त्यस्तै चिरमाया गुरुङ्ग आफूले यस कामबाट करीब ८५,००० रुपैयाजति कमाएको र उक्त रकम घर निर्माण गर्न चाहिने ढुङगा बोक्ने मजदुरहरुलाई ज्याला तिर्न प्रयोग गरेको बताउनुहुन्छ। 

चन्द् बहादुर गुरुङ्ग भन्नुहुन्छ, "मैले अनुमानित ६५,००० रुपैया कमाएको छु । भविष्यमा हामी बिरामी पर्न सक्छौँ त्यसैले पछिको आवश्यकताका लागि बचत गरेर राखेको छु ।" 

यस परियोजनाद्धारा स्थानीय समुदायहरुमा रोजगारी मार्फत १,५०,००,००० रुपैया भन्दा बढी वितरण गरिएको छ । यस परियोजनाले स्थानीय बासिन्दाहरुलाई अस्थायी रोजगारी प्रदान गर्न, उनीहरुको स्थानीय अर्थव्यवस्थालाई पुनर्जीवित गर्न र सम्पुर्ण क्षेत्रमा उनीहरुको पहुँचलाई सुधार गर्नका लागि सहयोग गरेको छ।